Polis a atende pareha turista cu a agredi otro

Diaranzon anochi Polis a wordo manda poco pura den direccion di DA riba LG Smith Boulevard. A drenta informacion cu un homber a dal un dama mande vloer. Polisnan na yegada no a haya e pareha. E pareha tabata bayendo mas pabou riba e caminda grandi y na pia. Polis a acercanan mesora pa asina mira kiko ta e problema. E pareha tabata manera poco hostina.
E ta un pareha Aleman parce cu a bin Aruba cu vakantie. Mientras cu nan tabata mustra di ta pleita, mientras cu esnan cu a bati alarma a bisa cu e homber a dal e dama, tog e dama a bisa cu ta atake di Epilepsia el a haya. Polis a mira cu e tabata tin algun rasca na curpa. Despues di tuma tur datos e Polisnan a bandona e sitio.
E pareha a bisa cu nan ta biaha e dia despues bek pa Alemania. E homber no a gusta presencia di fotografonan na e sitio y kier a ranca camera pa delete potret. Polis a pone su cabez na waterpas mesora.