Tur dia practicamente Polis ta haya yamada pa molester di brommer den Tarabana. Diaranzon den oranan di atardi esaki tabata e caso atrobe.
Polis a bay den e vecindario di Mandolinstraat cu Pindastraat. Basta yamada a drenta di e molester. Desordo ta trece un intrankilidad pa e barrio. E patruyanan di diferente distrito a topa hunto na Centro di Barrio Dakota. Djey nan a sali pareu pa e zona indica. Na yegada a topa cu un grupo sinta riba e skina di caya. A bay atende cu nan. Parce cu no ta nan a molestia cu brommer.
Nan a bisa cu ta otro grupo ta molestia. Parce cu e otro grupo a pasa eybanda mas trempan. Polis a controla e vehiculonan cu nan a topa e momento ey. A resulta cu algun tin papel na ordo y otronan no. A duna multa pa entre otro seguro. Polis a core cu nan tambe pasobra no mas aglomera. E prome intencion tabata pa Polis ataka cu man duro. Asina kita tur brommer bay cune warda. Esaki finalmente no a logra.
