Policlinica Metropolitano ataca pa GNB cu bomb lagrimogeno

E policlinica Metropolitano a wordo ataca cu bomnan lagrimogeno pa funcionarionan di Guardia Nacional Bolivariano (GNB), asina e diputado di Asamblea Nacional (AN), Jose Manuel Olivares, a denuncia durante e mainta di diadomingo, for di Caurimare, na Los Ruices.
Den e sentido aki, e parlamentario atrabes di Periscope, a rechasa cu e funcionarionan a drenta den e clinica accionando bala di rubber y bomnan lagrimogeno, dentro di e instalacionnan.
Den e adyacencianan di e centro di salud, tabata concentra un grupo di persona pa mobilisacion di e dia id awe, convoca pa e Mesa di Unidad Democratico (MUD) como rechaso di e eleccionnan di e Asamblea Nacional Constituyente, pero a wordo dispersa pa e efectivonan di GNB.
Olivares a denuncia cu e funcionarionan militar a desplasa riba brommer y a horta e manifestantenan cu tabata na e luga. “Nan a horta e muhenan, nan a kita por lo menos 30 celular for di nan y 20 cartera.” Na e mesun momento nan a reporta aproximadamente cu tin 15 herido y varios persona deteni.
“Ta un GNB cobarde, violento, nan a cuminsa horta, nan a asevera for di e distribuidor Los Ruices unda cu nan a manifesta cu “e represion y e odio a haci presente.”
Di e mesun manera aki, a informa cu aunke e cuerpo di siguridad di e Estado a bandona e luga, por a scucha e detonacionnan den e inmediacionnan.
Tambe e medico oncologo, a informa cu un homber di 82 aña a resulta herida door di un bala di rubber den cara.

Comments

comments