Diasabra net prome cu e misa di anochi 7or algun persona a bay bishita graf di un ser keri cu recien a wordo dera. E bishita aki a causa henter un panico den famia cu a casi bira un drama den Santana panort di Misa na Santa Cruz.

Polisnan tambe a ser avisa. Hasta esnan cu ta dirigi y cuida santana a hera haya nan mes mal sirbi pa e comportacion di un miembro di famia. Na dado momento hasta a cera e santana laga cierto miembro di famia paden. Nan mester a bula cura di santana pa sali bek. E gritonan publico yamando prensa tabata pasobra a kibra graf di e ser keri cu ta den un kelder. Esaki ningun rato a sosode. Mas bien e curpa ta den un estado di descompocision y ta saca likido y den esey tabata tin sanger cu a core di e kelder mas ariba bin te na vloer. Esaki no ta nada nobo.

E sa pasa caba y esnan encarga cu Santana ta hacie limpi sin haci ningun escandalo. No tin nada di haber cu destruccion na graf. Ademas despues ta drecha cualkier leak cu por tin na e Kelder. Prome cu otro familiarnan a yega, ya caba e voicenote a bay rond unda a haci henter un drama cu un noticia cu no tabata cuadra att all. Mas bien e comportacion di cierto hende yega na famia of cierto miembro di e famia mes ta laga di desea rond di e entiero. Un dirigente di Santana no merece di pasa den un mal comportacion asina unda hasta ta tene na kraag di camisa cu intencion di agredie.

Cu rason pastor a bisa cu e tipo di entieronan asina mester keda leu di misa pasobra e problema ta keda existi of escala. Ta purba haci henter un drama y busca atencion di media na luga di acepta y laga e difunto sosega na pas. Atencion robes of mal comportacion di cierto amistad of famia lo no yuda na calma e dolor di esnan cu si a bay despedi honradamente di un amigo of familiar cu a bay sosega. Polisnan a mira e situacion y despues a confirma cu no tin nada robes a sosode. Mas bien e likido cu a sali no ta a base di destruccion di e Kelder. E kelder tabata intacto. Ademas den e mesun pida tin mas kelder cu otro familiar di e difunto.

Comments

comments