For di tempran Departamento di Impuesto a anuncia kico lo bay ta e maneho cu nan lo hiba den e dianan nos dilanti, despues cu gobierno a anuncia e reglanan estricto pa loke ta e presencia di coronavirus y e forma di atende pa traha riba e parti preventivo pa e comunidad di Aruba.
Awe mainta por a tuma nota cu no tabata tin trafico di hende. Si nan ta dunando cierto servicio di pago, cu no ta trece aglomeracion di hende. Parti paden a desinfecta e luga completo y constantemente. A pone tambe cu lo ricibi solamente un cantidad limita di menos cu 30 persona den e localidad.
A dicidi cu lo pone stoelnan asigna pa e clientenan cu bin pa servicio na Departamento di Impuesto. Cierto stoelnan a wordo marca, caminda cu no mag uza. Si hendenan bin toch pa servicio, ta sinta riba un distancia for di otro, pa evita contacto. Ta pasonan tuma pa e departamento.
A pone extra personal atento, siguridad, etc. pa atende cu e fluho hende por yega pa servicio. No tin aglomeracion di hende te cu den oranan di merdia.
Esnan pasando den e bisindario por mira cu parkinglot mes ta bashi. Algun hende ta drenta sali pa un ke otro servicio cu nan mester haya for di departamento di impuesto.
Pero por lo general tur cos ta trankil. Pueblo a scucha e mensahe di Departamento di Impuesto y dicon nan a saca e informacion aki. Nan a sak’e pa motibo cu e luga aki tur dia tin centenares di hende cu ta bin pa haya pa un of otro servicio.
Tur dia tin algun shen hende ta acudi na e sede di DIMP pa un of otro servicio. No ta solamente na Camacuri, sino tambe na e MFA nan, a tuma pasonan importante, lagando asina un maximo di 10 hende drenta. Por a tuma nota tambe cu cayanan ta keto.
Na Departamento di Impuesto caminda cu a anuncia e reglanan di wega pa loke ta e esfuerso pa preveni plamamento di coronavirus, tambe e hendenan no ta yega pa servicio, si no ta necesario.
Ta poco hende ta yega y esey ta un bon paso. Ta di spera cu ora cu e hendenan wordo bisa pa kisas no presenta na trabao of ta prefera pa no aglomera den hende, pa haci esaki tambe.
