PM Wever Croes: Lasonan di Aruba cu Colombia ta hopi importante

Awe diasabra, 20 di juli, colonia Colombiano na Aruba ta celebra dia nacional di nan pais Colombia.

Den cuadro di esaki Consulado Colombiano staciona na Aruba a organisa un misa na Misa Birgen di Fatima na Dakota. Despues tabatin un ofrenda floral. Por a nota presencia di e prome minister di Aruba sra. Evelyn Wever Croes, kende tabata compaña pa Minister di Husticia Andin Bikker y dos Parlamentario di MEP.

Prome Minister Wever Croes: Lasonan di Aruba cu Colombia ta hopi importante

Prome Minister Wever Croes: Lasonan di Aruba cu Colombia ta hopi importante. Click e link pa mas https://24ora.tv/2M1NKyF

Posted by 24ora on Saturday, July 20, 2019

Den un declaracion e Prome Mandatario di Aruba a resalta e importancia di e relacion entre e dos paisnan Aruba y Colombia pero tambe di ciudadanonan di e paisnan, pa cual ta celebra hunto cu nan a fecha special aki. “Awe nos ta celebra cu e comunidad Colombiano na Aruba e 209 aniversario di independencia di Colombia. Ta un honor pa celebra cu e comunidad Colombiano aki mescos cu nan ta celebra cu nos Dia Nacional di Aruba.

E lasonan entre Colombia y Aruba ta hopi importante, nos ta papia di lasonan economico, cultural y familiar, y sin lubida e lasonan pa cu cuido di salud di nos hendenan na Colombia.”
Tambe e mandatario a gradici e comunidad Colombiano cu a laga nan famia y amistadnan atras pa establece nan mes na Aruba y yuda desaroya e economia. “Y a kere den Aruba den bon tempo y den menos bon tempo. Nos ta enfrentando retonan aworaki berdad, pero mi tin tur fe y confiansa cu nos lo surpasa nan y crea bienestar y progreso pa e comunidad di Aruba en general y e comunidad di Colombia na Aruba.”
Despues di e servicio religioso a sigui un celebracion chikito pafo cu pasaboca Colombiano.

Comments

comments