Campeonato HEINEKEN fast pitch dedica na baluartenan Jacobo Jansen y Gilbert “ Nando” Maduro ta den su recta final. Royal Power Tat Fat Home Depot a clasifica cu un record di 16-0 y den Playoff den promer ronda a gana Macuarima na dos ocasion cu un record actual di 18-0 drentyando Play Off final. Macuarima a clasifica cu 9-7 y ganando su serie 2-1 contra Jay’s Tire ta drenta Playoff cu un record di 11-8. Manera nan ta bisa e bala ta rondo y esun cu hunga mihor den final lo bay cu e titulo.
Macuarima Spark elektra tin un tremendo team. Durante tempotada hopi biaha nan no tabata completo door di diferente compromiso pero momento cu e team ta completo nan tabata dificil pa gana. manera por a compronde cu mayoria hungador a pidi liber of a cambia warda e siman entrante pa asina Macuarima por ta completo pa e playoff final. Royal Power di otro banda a fria bastante door di tanto warda y ta drenta playoof final un poko den desventaha pero una ves nan keinta lo bira un problema pa Macuarima. Dialuna 5 di Augustus playof lo inicia pa 8pm na canchanan na Pos Chiquito.
Diamars, diaranson y diahuebs weganan lo continua y si mester un wega desisivo esaki ta programa pa dialuna 12 di augustus. Fanaticada yega tereno bin apoya Bo equipo preferi bin brinda nos atletanan nan apoyo bon mereci. Softball fast pitch den su recta final. Pronto Aruba tin su campeon 219
