Plan di regimen di Maduro por afecta e eleccionnan na Colombia

487

E gobierno di Colombia a bati alarma pa un supuesto plan di Nicolas Maduro su regimen pa purba influencia e eleccionnan presidencial di 2022, despues di un aumento significativo den e solicitudnan di ciudadania Colombiano di parti di imigrantenan Venezolano, El Tiempo a informa.

Pa un tema di siguridad nacional, e Registraduria Nacional, Migracion Colombia y Polis Nacional ta preocupa p’e cantidad halto di Venezolanonan registra na Colombia.

Segun datonan recogi pa e medio, e Registraduria ta mustra cu tin 22.147 Venezolano registra na 2014; 41.530 na 2015, 66.966 na 2016 y cerca di 94 mil registro na 2017.

Na 2018 e cifra a aumenta na 159.414 registro y a sigui riba 140 mil na 2019, unda cu a presenta 142.208. Na 2020, apesar di e epoca di pandemia, a registra 42.586 caso.

Den resuman, desde 2014 te na principio di september di 2020, 568.825 Venezolano a registra na Colombia, di cual 379.334 ya ta apto pa vota den e pais.

Un fuente confiabel di e gobierno Duque, ta sigura cu ta existi un strategia di desestabilisacion pa influencia den e resultado di e eleccionnan di 2022, tratando di un operacion pa registra masivamente, Venezolanonan como ciudadanonan Colombiano.

Segu informacion cu e unidad investigativo di e corant Colombiano a obtene, esaki ta uni na e aumento di cedulanan Colombiano original otorga fraudulentamente na tur tipo di persona.

Registronan segun e corant “caulkier persona por hacie” atrabes di un norma cu ta permiti cu e indocumentado haya dos testigo cu ta constata nan nacimento na Colombia.

Situacion cu ta presta pa tramitenan ilegal, ya cu e personanan ta haya testigonan falso of “algun registrado ta pone nan fingerprint y ta bende e documento pa dos miyon di peso,” El Tiempo ta indica.

Dentro di e personanan cu a expedi documento, por haya miembronan di e Guardia Nacional Bolivariano, fichanan di Faes (polis secreto di Maduro) y capo di bandanan di delincuente di e pais aki, manera e alias Willy Melean, abati pa polis ocho dia atras.

Auditorianan di e Registraduria a haya Cubano y 89 Arabier cu identidad Colombiano, nan a uza testigonan falso cu a duna testimonio cu e stranheronan aki lo a nace na Colombia. Nan a establece pa yega na e pais, e Arabiernan a ricibi cedula prome na Venezuela.

“Merca ta na altura pasobra entre e Arabiernan por tin algun liga na gruponan terorista y por bay e pais aki como Colombiano. Su embahada ya mester a anula visa,” un investigador a bisa.

El Tiempo ta pensa cu pa un kit di registro, cedula, paspoort y visa por pidi entre 50 y 100 miyon di peso (15 mil pa 30 mil dollar).