Pista di aeropuerto a cera pa un periodo cortico debi na un avioneta cu a baha cu problema.
Rond di 1’or di merdia a bati alarma na aeropuerto pa un accidente cu a sosode riba pista cu un avioneta cu e caba di baha.
Tabata trata di un avioneta priva cu bini for di Sta Martha, Colombia a haya problema ora di aterizahe. Informacion ricibi ta cu el a haya problema cu su tirenan. Au
toridad di aeropuerto a cera pista di biaha pa haci investigacion necesario.
E cinco pasaheronan abordo a pasa den un susto ora cu nan a pisa suela Arubano y e avion a cuminsa bay di un banda pa otro. E piloto a logra para e nave di biaha na mita pista.
Mientras cu e inspectornan a acudi na e sitio, a cuminsa tuma medida pa desvia vuelonan pa hermana isla Corsou. Tabatin cuatro vuelo pendiente pa baha, cualnan tabata Delta, Jet Blue y dos di American Airlines.
A constata cu e tire di e avioneta, cual tabata un Cessna 206 cu matricula YV1579 / U206-05254, tabata practicamente total loss. Mester kita henter e pida ey pa pone un nobo. Mientrastanto cu tabata haci e tramitenan, tres di e cinco vuelonan,Delta di New York, Delta (Atlanta) y Jet Blue (Fort Lauderdale), a desvia pa Corsou, mientras cu ta spera cu por ricibi e dosnan di AA (di Charlotte y Phildalphia) si logra move e avioneta na banda di W Aviation na tempo.
