Un dia prome tabata cana sunu cant’i beach: Piloto a nenga pasahero femenino subi avion

Dialuna atardi piloto di un avion cu destino Colombia a nenga un pasahero di cumpli cu su vuelo. E señora e dia anterior tabata envolvi den un caso di destruccion na Tres Trapi. E tabata core sin paña y a actua hopi straño. E señora fuera di tabata hole alcohol tabata actua hopi straño diadomingo. 

E amiga ta bisa cu e señora recien a perde su yiu y esey a afecta bida di e señora. Dialuna mes a regla p’e bay Colombia. Di un of otro forma e piloto a dicidi di nenga su presencia den avion. No sa si eynan tambe a haci cos robes. Polis na aeropuerto a actua y a dicidi di tene e señora na tera. A pidi un transporte policial y asina hibe warda y despues busca un destino unda e por haya tratamento pa su problema. 

Pa tur siguridad a dicidi di pone na boei patras na su lomba. Polis mes no ta confia masha y a trata e señora cu mas siguridad posibel.