E mesun habitante cu den pleno campaña a hisa su bandera di MEP cabes abou, atrobe ta protestando. Ta un fiel votado di MEP y su cas, situa riba e caminda grandi di Piedra Plat, ta resalta, mirando e bandera cabes abou den forma di protesta.
Tempo di campaña el a protesta pasobra a considera cu su partido tabata zwak. E tempo ey a manda Glenbert Croes bay papia cune y calma e situacion. A logra pa e bira e bandera bek. No a dura mucho luna cu bandera ta cabes abou atrobe. E biaha aki ta pasobra e ta considera cu MEP ta na mando pero ta POR ta gobernando. E sentimento cu POR ta domina MEP den gobernacion y den tur decision ta bibando bou di un grupo di votadonan di e partido geel. Y nan no ta keda sin vocifer’e tampoco, manera ta obvio na Piedra Plat.
