Quota Club ta sumamente gradicido na comunidad di Aruba, cu un biaha mas a apoya Quota su di dies Picnic Danzant. E aña’ki nan ta celebrando e di 27 aña. Esey ta loke cu Ivy Simon, presidente di e organisacion a comenta.

Esaki ta di 24 aña cu nan ta tene nan fundraising anual y e ultimo 10 añanan a cambia e concepto, pa asina haci’e riba un diadomingo merdia, caminda cu sin duda algun tabata tin 500 hende na Renaissance Convention Center.

Quota tabata sumamente contento y tabata un sold out. Tabata un meta increibel cu nan a logra y danki na comunidad di Aruba, pa motibo cu tur loke a recauda ta bay bek den comunidad, na unda cu Quota ta bezig casualmente cu varios di e proyectonan aki. Tin por ehempel, Orto Teens, muchanan cu ta na e Ortopedisch Centrum na Dakota. Awo nan ta bezig ta wak pa e temporada di Pasco awor aki, e muchanan di scol “Scucha Nos”, nos grandinan, entre otro. Asina ta, keda pendiente. Quota t’ey y ta gradici tur esnan cu a participa na e Picnic Danzant, pa e granito di aporte, p’asina duna bek na nos comunidad.

Comments

comments