Tin auto cu su reputacion ta duna nan nomber caba na Aruba. Garage Centraal tin e orguyo y satisfaccion cu por tin e Isuzu Dmax. Isuzu ta e fabricante di autonan di motornan di cel mas grandi na mundo y ta e fabricante tambe di e pickup aki. Tradicionalmente el a sera conoci na Aruba y ta sigui sera conoci door di su calidad, door di su durabilidad y esey ta continua den e auto aki.
Segun Rodney Kock, e hecho cu e ta un auto cu ta pasa principalmente den ingenieria, concentra loke ta e performance di e motor y durabilidad di e motor, no ta kita cu bo por haya features manera electronic 4×4, multimedia system cu touchscreen. Bo tin tur e ultimo sistemanan cu ta dunabo comfort. Pero e ta keda toch un pickup y ta keda funcional den e sentido ey.
Su capacidad di carga ta keda mesun cos, e confiabilidad ta keda mesun cos. Locual hende ta conoce y ta stima di e auto aki ta mantene su mes. Ta pesey e ta ser yama “The Boss”. E hefe no ta bin solamente di e nivel di benta cu e auto aki tin. E ta bin door di e durabilidad, for di e satisfaccion cu continuamente e clientenan ta bisa cu nan ta haya for di e vehiculo aki. Ta pesey ta duna tur e opcionnan posibel y disponibel pa loke ta Isuzu. Ta haya diferente version di Pickup, tando double cab, como single cab. Na Aruba te awor aki, Garage Centraal ta ofrece standard y extended cab, cual e porta dilanti ta habri normal y e porta patras ta habri den estilo di side door, cual ta duna acceso facil patras, pa e bench cu tin parti patras of pa pone carga acerca.
Opcionnan tin suficiente, tin variacion di prijs y vooral tin e calidad indiscutibel cu Isuzu ta ofrece un y tur.
Pasa na Garage Centraal awe mes, wak cua opcion ta mas util y combeniente p’abo y lo yudabo yega na “E hefe” na Garage Centraal Aruba.
