Algo pasa di 2or e patruya di Playa a ser dirigi na e crusada di Koningstraat, caminda tin un pickup para riba caminda cu ta stroba. Patruya a presenta na e sitio pa asina wak kiko ta pasando. Eynan a topa cu un Ford pickup color blanco numera A-64906. E pickup tabata para mitar riba caminda, y ta stroba trafico di pasa. Mesora polis a bay chek ta kiko ta pasando y ora polis a bay chek a topa cu e donjo di e auto drumi den e auto. Ora polis a bay papia cu e manehador, a papia cune y e ta conta polis cu el a haya flat tire y el a yama seguro pa asina nan cambia e tire pero mirando cu seguro a tarda, el a dicidi di bay sosega un rato. Polis a splica e meneer aki pa asina e hala e auto for di riba caminda pa motibo cu e tabata strobando.
