Prome cu 3:00PM a sosode un accidente entre pickup y brommer na e T-kruising di Pos Abou. E pickup Nissan color blauw scur tabata bin for di Pos Abou y e chauffeur a bay pa lora na su man robes direccion Sasaki.
Na e momento ey tabata bin un brommer marca Suzuki y e chauffeur di pickup no a paga tino. El a subi e caminda y e chauffeur di brommer no por a hala un banda consecuentemente ta dal contra di e pickup. Polis a yega na e sitio pa tuma datonan di e incidente aki. E motociclista tabata keha di dolornan tanto na su nek como lomba y di biaha a pidi asistencia di ambulance.
E ambulance a yega na e sitio y di biaha e paramediconan a atende e motociclista pa despues transport’e pa hospital, unda e lo sigui haya atencion medico. E brommer a ricibi hopi daño material. Mama di e motociclista tabata tur spanta y tabata bou yoramento, tambe a yega na e sitio pa haya sa kico a pasa cu su yiu.
