Pickup a dal tras di Tiida y core bay laga hende herida atras

Ayera nochi pa mas of menos 11:20pm a tuma luga un accidente na e crusada di L.G. Smith Boulevard y Adriaan Lacle Boulevard. Un auto modelo pickup dobel cabina a dal tras di un auto marca Nissan modelo Tiida color di oro y despues a core bay y bandona e sitio, sin sa cu chauffeur di e Tiida a keda herida atras den su auto tur kibra.

Na e sitio a constata cu e Nissa Tiida a sufri basta sla y un ocupante, un hende muhe, tabata keha di basta dolor na su curpa. A pidi asistencia di ambulance pa atende cu e victima. Despues di esey a hib’e hospital pa tratamento medico avansa.

Dos unidad di polis di trafico a presenta na e sitio pa tuma dato di e accidente. A busca den e area pa mira si ta topa cu e pickup cu a causa e accidente, pero lamentablemente no a logra den nan intento. Polis lo investiga pa mira cua pickup dobel cabina ta core rond den e dianan aki cu sla dilanti.

Accidente na T- Kruising Adriaan Lacle Blvrd. Hit & Run. Tin persona herida.https://24ora.com/pickup-a-dal-tras-di-tiida-y-core-bay-laga-hende-herida-atras/

Posted by 24ora on Friday, December 18, 2020