Petroleo a collapse cu 24% na $20: E no tabata asina abao desde 2002

1259

E pesadiya den e industria di petroleo ta sigui empeora. Awo ta enfrenta e prijs di mas abao di petroleo for di e prome mandato di e presidente George W. Bush. E intensificacion di e temornan di recesion a haci cu e prijsnan di petroleo na Merca a cay cu un asombroso 24% diaranson na $20.37 pa bari. Esey ta e nivel mas abao desde februari 2002.

E bentanan a aumenta durante henter dia, cu un 9% di perdida mainta mas cu duplicando parti atardi. E aceleracion ta refleha un comprension creciente di cuanto e brote di coronavirus ta afectando na e economia mundial.

E benta ta impulsa pa un combinacion aplastante di exceso di oferta y disminucion di e demanda. Y e ta dunando un golpi duro na e industria petrolero cu un tempo tabata den su gloria na Merca. E pandemia di Coronavirus a provoca e collapse di biahenan mundial, comiendo e sed insaciabel di petroleo di mundo, cu ta impulsa e economia. Buelonan inumerabel a wordo cancela. E industria di crucero ta tranca. Careteranan ta bashi y hopi fabrica ta scur.

Na e mesun momento, Rusia y Saudi Arabia a eligi un momento teribel pa aleha di e rolnan como stabilisadoran di prijs. Rusia a nenga di reduci e produccion den un intento pa hoga e productonan refina di costo halto di Merca den e lama di crudo barata. Saudi Arabia a responde recortando prijs y aumento di produccion, exactamente lo contrario di loke mester pa ekilibra e mercado.

“Cada dia parce di tin otro trampa bao di e prijsnan di petroleo,” Louise Dickson, analista di Rystad Energy, a skirbi den un comentario manda via email. “Loke nos ta mirando aki ta esencialmente e ekivalente di e bom atomico riba e mercado petrolero”. E demanda ta colapsando na un ritmo vertiginoso

Cu e restriccionnan di biahe y cuarentenanan acelera, analistanan di energia ta luchando pa rebaha nan pronosticonan di demanda di petroleo. Goldman Sachs awo ta spera cu e demanda di petroleo na 2020 reduci na 1.1 miyon di bari pa dia, yegando na un minimo na maart, ora cu e demanda por cay na 8 miyon di bari.

Rystad Energy ta ainda mas pesimista, ya cu ta exigi un caida di 2.8 miyon di bari pa dia na 2020. Esey ta cuater biaha mas cu e yamado anterior di e empresa di energia pa un caida di solamente 600 mil bari pa dia. Ta probabel cu solamente e demanda di april ta cay den un piek na 11 miyon di bari pa dia, Rystad a bisa.

Combustibel pa avion ta e problema mas grandi, ya cu e aerolineanan rond mundo ta descarta buelo y ta staciona avionnan debi na restriccionnan di biahe. Trafico aereo comercial global lo disminui den aproximadamente un 20% e aña aki, Rystad a preduci. Den e contexto sombrio aki, analistanan ta adverti cu ta probabel cu lo bin mas benta den e buraco petrolero.

Goldman Sachs a adverti diamars anochi di un “caida inevitabel” den e prijsnan di petroleo di Merca rond di $20 pa bari durante e di dos trimester. Esey ta hopi abao di e pronostico previo di e banco di Wall Street pa $29 di petroleo. Un di e problemanan ta cu awo tin asina tanto petroleo rond mundo cu lo ta dificil haya un luga pa pa warda tur.

“Nos a kere cu e velocidad di e proximo construccionnan di inventario sigur lo supera e capacidad di yena e almacenamento,” Damien Courvalin, hefe di investigacion di energia di Goldman Sachs a skirbi den un nota na clientenan.

Bon noticia: gasolin barata. Mal noticia: kiebronan inminente!

E colapso petrolero por proporciona un poco di bon noticia na e consumidornan sacudi pa e crisis di Coronavirus. E prijs promedio nacional di gasolin a reduci na $2.22, segun AAA. Esey ta menos cu $2.44 un luna pasa. Dos tercer parti di tur e estadonan di Merca ta mira caida di prijs di dos digito durante siman, AAA a bisa.

Sinembargo, hopi chauffeur ni sikiera lo por probecha di e prijsnan barata na stacionnan di gasolin, debi na e restriccionnan di biahe y e rekisitonan pa traha for di cas. Esey ta pone den duda cuanto realmente e consumidornan lo beneficia di e colapso petrolero.

Loke ta hopi mas sigur ta e dolor cu e caida di e crudo den e industria di petroleo di Merca lo causa. E companianan principal di petroleo, incluyendo Chevron y ExxonMobil a adverti riba e gasto y recortenan di costo. Occidental Petroleum a reduci nan dividendo den un 86%. Y hopi compania petrolero mas chikito cu tin hopi debe lo haya nan mes obliga na kita trahadonan for di trabao y considera na declara nan mes den bancarota!

Comments

comments