Personanan indokumentá a yega tera ku boto Norguielis

Awe mardugá Wardakosta su Rescue and Coordination Center  (RCC) a lokalisá un kontakto sospechoso na Oostpunt. RCC a dirigí un tim di Wardakosta huntu ku Curmillers na e lokalidat kaminda a detektá e kontakto. Polis i Duana tambe a ser informá.

Wardakosta a dirigí su helikòpter tambe na e sitio pa duna asistensha. Na yegada e tim di Metal Shark a topa ku un boto tipo yola ku 2 hende hòmber na bordo. Durante kontròl riba e boto e personanan a deklará ku nan a kaba di baha hende na tera. Despues di un buskedá a detené 5 hende muhé i 8 hende hombèr di nashonalidat venezolano den e area di Sta. Barbara. Tur persona a ser entregá na KPC.

Comments

comments