Personanan grandi para den fila te riba Adriaan Lacle Blvd pa paga ELMAR

Tanto ELMAR como WEB a anuncia cu nan ta habri awe pa paga recibo di coriente cu ta bay vence. Esaki a causa un congestion awe mainta.

For di mainta tempran por a mira cu e cantidad di clientenan lo bay ta hopi. E fila dado momento a sali pafo di ELMAR, core den e plenchi na banda di ELMAR y sigui riba Adriaan Lacle Blvd, yegando te banda di cas di cuido di grandinan den e caya ey.

Por a nota cu practicamente tur e clientenan cu a acudi ta personanan grandi cu normalmente ta paga nan cuenta na MFA of na ELMAR mes. Lamentablemente por a nota cu ainda no ta tumando na serio e peticion pa “social distancing”.