Diahuebs Traimerdia a reuni cu Minister Lampe. E resultado di e reunion tawata desastroso pa loke ta trata e contenido vision y mision di Tra’i Merdia, segun shopsteward di sindicato Helen Dirksen-Thijsen. Segun el a splica, Minister kier cambia full e structura di Tra’i Merdia unda huiswerk no ta bay ta mas un prioridad. E kier cambia full e structura cu lo no ta beneficioso pa e strudiantenan. Ta e muchanan ta dicidi ki ora y si e ta traha Huiswerk.

Pa algun dia cabata bibando un incertidumbre grandi den enseñansa pa cambionan drastico cu e mandatario kier haci. No ta solamente na Tra’i Merdia, sino tambe na Paso pa Futuro y e union di e dos scolnan SPO. Den e casonan ey tambe docentenan ta preocupa, no solamente pa e ideanan di e Minister, pero tambe pa su forma desorganisa di traha y mal forma pa comunica cu partnernan den enseñansa.

 

Personal di Traimerdia” reunion cu Minister tabata desastroso

Personal di Traimerdia” reunion cu Minister tabata desastroso. Click link pa mas https://24ora.tv/2wUVyt6

Posted by 24ora on Thursday, June 13, 2019

Definitivamente huiswerkbegeleidernan ta bay cas hunto cu Centrum leidernan. Y awor tambe e persona cu ta traha ariba scholing pa lidernan tambe ta bay for di Traimerdia. E Minister kier djis pa lidernan sinta wak pa e muchanan mientras nan ta dicidi kico nan ta bay haci. Cu e vision nobo aki bo ta wak claramente cu e no kier amplia servicio, e no kier hisa calidad, alcontrario baha calidad.

Shopstewardnan di SEPPA a informe di biaha cu bou niun condicion ta acepta pa e torno na e posicion huridico y FIF. Y no lo acepta niun cambio mientras cu no amplia servicio pa mayornan cu mester di dje, hisa calidad y amplia nan  orario. Loke e ta propone no ta e aanvraag di mayornan. Loke mayornan ta pidi ta un lugar sigur, unda  nan por traha trankil y caminda nan yuinan ta wordo bon guia cu nan huiswerk. Tambe cu tin profesional. Trahadonan no por spera otro di e Minister aki y ta hopi disgusta y desapunta di dje. Ya ta casi un aña caba cu Traimerdia ta bou tension. Tur locual lidernan a propone el a nenga nan retondamente. Ta hopi di lamenta.  Adhunto un parti di e carta cu a wordo impone riba e lidernan.

Comments

comments