Diadomingo algo pasa di 8:00PM a pidi presencia di polis den area di Tanki Leendert pa un vehiculo cu lo a dal den un cura bashe abou.
segun por a observa na sitio, e chaufferu lo a perde control di su auto y a bay dal den un cura di un cas na Tanki Leendert ( banda di e creche Mi Pret’i Wowo na Tanki Leendert ).
Un persona masculino manehando un Nissan sentra ( A-66223 ) pa un of otro motibo lo a perde control di e vehiculo y bay tumba cura di un cas abou. E persona aki su intencion tabata bandona sitio pero su intento a fracasa pasobra e vehiculo a pega y no por a move niun caminda.
Por a tuma nota tambe cu e chauffeur tabata mustra di ta fuertemente bou di influencia di alcohol y/o otro substancia cu tabata pone papia cosnan basta for di sla. Polis a presenta, a detene y a transporte pa warda di polis.