Aunke a informa pueblo repetidamente cu despues di 9:00pm ningun hende por ta riba caya riba nos isla, asina mes tin algun cu ta purba nan suerte. Hasta Fiscal di Ministerio Publico a adverti pa multanan halto relaciona cu e delito di ta riba caya den oranan di anochi.
Despues di 1:00AM Polis a topa un persona trankil di dje ta cana direccion su cas. Polis a par’e den area di Imelda Kleuterschool na Playa y cu asombro el a keda wak manera cu e no a comete nada cu por a causa su detencion.
E unico cos den su contra cu ta den un pleno Toque de Queda. Polis a deten’e y hib’e Warda di Polis pa present’e dilanti un Fiscal Auxiliar pa atende cune riba su delito.
