Diamars den careda di 8:15 pm polis y ambulance a presenta na Perustraat pa un caso di persona den baño. A informa nan c’un homber a bay den baño y a lock e porta, pero e casa a ripara cu e tabata tarda.
E casa a bay check e, pero a ripara cu e homber no tabata reacciona. Di biaha el a cuminsa grita pa yudansa, pasobra e mes no tin yabi pa habri e porta di baño y p’e controla dicon su casa no ta contesta. Bisiña cu a tende e grito di auxilio, di biaha a core bay yuda. Nan a logra habri e porta y bin a haya e homber cu kap na cabes.
Tanto polis como ambulance a presenta na e sitio. E paramediconan di biaha a cuminsa duna asistencia medico y despues a bandona e sitio. Nan no a hiba e homber hospital pa ricibi tratamento medico mas avansa.
