Persecucion tras di homber cu a purba burla di husticia

Polis diamars mainta a haya nan mes envolvi den un persecucion tras di un chauffeur sospechoso cu a haci un bon intento pa purba huy for di husticia.E homber tras di stuur di e Kia Rio color shinishi a ranca sali cu velocidad halto riba Green Corridor. Polis a sali na careda su tras, persecucion a hiba nan den tres diferente bario e.o. Sabana Basora, Pos Chikito y Savaneta.

Por a mira varios unidad di Polis riba caminda pa duna refuerso den e persecucion. Banda di e brug di Green Corridor a logra para e auto, despues cu e auto a dal den patruya. A detene e homber y transporte pa Warda.