Diabierna merdia un choller a pasa raspa tas di un señora den Renaissance Mall. E señora lo tabata canando banda di Michael Kors ora e incidente a sosode. A logra haya tas y choller pero no e cartera. Ora a bay confronta e choller unda e cartera ta, e la logra huy.
Aki un careda na pia a start for di Renaissance Mall cu a caba den area di Klip. Algun bon samaritano a wak e choller ta core pa su bida a bay su tras sospechando algo a pasa. A logra wanta e choller banda di Zuidstraat net patras di Masy-Fral. E choller tabata resisti y a purba huy for di e bon samaritano. Polis a yega net na ora, boei e homber y bay cune pa warda di Playa. E caso awor ta bou investigacion di recherche.
