Persecucion a termina cu detencion

3193

Diadomingo, algo pasa di 2’or y 15 di marduga, un patruya cu tabata den cercania di South Beach, a nota un Suzuki Liana color preto, numera A-12720, luz paga a pasa den luz cora na altura di di McDonald’s na Palm Beach. Mirando esaki, polis a bay su tras y a dun’e señal pa e para, pero esaki a ignora e ordo aki y a sigui su caminda. A cuminsa cu un persecusion y na altura di Buccaneer Restaurant, a logra para e auto aki. Polis a bay atende cu e chauffeur, kende ta un hoben bao di influencia di alcohol. El a keda deteni pa violacion den trafico door di a core bao di influencia di alcohol y a ignora ordo di polis, door di pasa den luz cora cu luznan paga. Polis a pidi pa transportwagen pa transporta e hoben aki pa warda di Shaba.