Catharina Theodosia Kelly Albertsz ta naci na Aruba dia 11 Januari 1942 y ta biba na Sero Blanco 81. Mas cu un biaha como pensionado el a bira victima di atraco riba caya. A bay ambos biaha cu su placa di pensioen y lage herida. E prome biaha el a bay laboratorium pa chek su sanger. E otro biaha e tabata caminda pa banco pa paga su debenan di tur luna. Ambos atraco tabata den mesun vecindario.
Diasabra anochi ambulance a hiba Catharina Kelly pa Hospital pa un chekeo medico mirando e dolornan fuerte. Awor e ta na cas bek. E ta recuperando di e dolornan di e maltrato di e atraco brutal. Tambe di un operacion cu el a haci. Den un situacion asina ta bon saca un man pa Catharina Kelly di 77 aña di edad.
Esunnan cu kier yude cubri su debenan, por transferi na su cuenta via CMB #22792802. Un yudanza ta un alivio caba pa Catharina cu ta biba exclusivamente di pensioen. E tabata cobra pensioen di pareha pero na december ultimo su casa a fayece.
Pronto e entrada di pensioen tambe lo bira menos. Cualkier persona cu por duna un man, por pasa cerca dje na Sero Blanco 81.
