Pelicula Hermano Sol Hermana Luna den Hofi di Mama Maria

En conexion cu e fiesta di San Francisco di Asis y 100 aña di Consagracion di Iglesia Pro-Catedral San Fancisco di Asis, ta haci un invitacion special na tur parokiano, scolnan Catolico y pueblo di Aruba en general pa bin disfruta den Hofi di Mama Maria un pelicula basa riba bida di San Francisco di Asis.

Titulo di e Pelicula ta Hermano Sol Hermana Luna. Esaki lo tuma luga diabierna, 20 di september, pa 8’or di anochi.

San Francisco di Asis, ta e santo mas grandi den historia catolico.

El a bira pober hunto cu e pobernan, pero rico den Spirito. Su bida a inspira hopi hoben di su tempo. Nan tambe a laga tur cos atras y hunto cu Francisco nan a dedica nan bida na Dios, Cristo y su Iglesia.

Pastoor Stanislaw ta invita rumannan pa acudi na nobena di San Francisco di Asis, cu lo cuminsa diamars, 25 di september na Pro-Catedral San Francisco pa 6’or di atardi.