En conexion cu fiesta di San Francisco di Asis y 100 aña di Consagracion di nos Misa,  nos ta haci un invitacion special na tur parokiano di Pro-Catedral San Francisco, scolnan Catolico y pueblo di Aruba general pa bin disfruta den Hofi di Mama Maria un pelicula basa riba bida di San Francisco di Asis.

Titulo di e PELICULA:  Hermano Sol Hermana Luna Esaki ta bai tuma lugar diabierna 20 di september, 8:00 P.M. den hofi di Mama Maria pa nort di nos Pro-Catedral. San Francisco di Asis,e Santo mas grandi den historia Catolico.

El a bira pober hunto cu e pobernan, pero rico den Spirito. Su bida a inspira hopi hoben di su tempo. Nan tambe a laga tur cos atras y hunto cu Francisco nan a dedica nan bida na Dios Cristo y su Iglesia.

Pastoor Stanislaw ta invita rumannan pa acudi na nobena di San Francisco di Asis, esaki ta cuminsa diamars 25 di september, na Pro-Catedral San Francisco pa 6:00 P.M. Laga San Francisco ta bo Consuelo awor y semper.

Comments

comments