Cu hopi animo Biblioteca Nacional Aruba ta trece su programa di actividad pa mucha den vakantie grandi.
Lo tin presentacion di pelicula den aire liber tanto na Playa como na San Nicolas y biblioteca MFA Noord, Paradera, Santa Cruz y Savaneta. Biblioteca ta pasa ‘Small foot’ riba pantaya e prome siman, despues ta sigui ‘How to train your dragon’, ‘Wonderpark’ y ‘Dumbo’.
San Nicolas: Biblioteca ta presenta e mesun peliculanan tanto na Oranjestad como na biblioteca na San Nicolas pa tur mucha di San Nicolas y besindario. Presentacionnan ta cuminsa diaranson dia 10 di juli, asina ta sigui 17 di juli, 24 di juli y e ultimo presentacion ta diahuebs dia 31 di juli.
Oranjestad: Presentacion na Playa ta tur diahuebs anochi patras di biblioteca. Prome presentacion ta diahuebs dia 11 di juli, 18 di juli, 25 di juli y e ultimo presentacion ta diahuebs dia 1 di augustus.
E presentacionnan ta gratis y ta cuminsa 7or. Tur mucha y nan mayornan ta bon bini. Pa mas informacion bishita nos website.
