Diasabra 27 di juli Fundacion Parke Nacional Aruba (FPNA) ta oganisa su Movie Night unico na Parke Nacional Arikok. FPNA ta para pa conservacion di nos naturalesa. Pa logra esaki ta importante pa educa y concientisa e comunidad riba diferente aspecto di nos medio ambiente den e contexto local y internacional.
Diasabra 27 di juli pa 7.30 PM lo pasa dos episodio di e documentario Our Planet. E documentario aki ta adresa cuestionan di conservacion y ta presenta diferente animalnan den nan habitat. E enfoke ta riba e impacto di e ser humano riba e medio ambiente, specificamente e cambio climatico. E prome episodio ta basa riba diferente especienan den selva y e bida di entre otro parha, macaco, y fruminga.
E di dos episiodio ta basa riba e habitat di e bida marino na costa di lama, caminda 90% di e bida marino ta y e importancia pa conserva nan. FPNA ta extende un invitacion na e comunidad di Aruba pa asisti na e Movie Night na nos Centro di Bishitante y pasa un rato ameno hunto cu famianan. E anochi di pelicula ta completamente gratis cu posibildad pa cumpra algo di come y di bebe. Pa mas informacion por yama na 585-1234 of bishita nos pagina di facebook: https://www.facebook.com/arikoknationalpark
