Diasabra anochi alrededor di 10:30 pm polis a presenta na Seaport Marketplace p’un supuesto pelea. Ta trata di un grupo di hoben cu pa un motibo of otro a hala otro na conopi. Mirando cu miembro di siguridad no por a domina e situacion, a dicidi di bati alarma mesora na polis.
Parce a menasa un security tambe. Ora polis a presenta, varios hoben a cuminsa core bay direccion di Fort Zoutman. A cuminsa core nan tras y a logra detene un di nan net dilanti di gabinete di gobernador.
E otro, a subi Plaza Padu y core bay te band’i Renaissance Hotel. E polisnan riba brommer a bay su tras y a logra par’e den Havenstraat. Ta trata mas bien di un grupo di hoben nan menor.
