Pelea na Hofi Sero Janchi a caba cu 1 herido y varios detencion

2504

Diadomingo den careda di 11’or y 45 minuut di anochi, informe a cuminsa drenta cu tin un pelea formal na Hofi Sero Janchi. Varios patruya a bay mesora pa e sitio pa asina caba cu e pelea.

Na e sitio a resulta cu tabata tin un fiesta organisa y unda varios hende a acudi. Algun persona na e sitio a comenta cu e fiesta tabata hopi bon, pero na final a caba na un pelea. A nota cu varios persona a wordo deteni y entre nan hasta un dama.

Ambulance tambe a presenta na e sitio pa un persona cu a keda herida cu kap. Un rato despues cu ambulance a yega y atende cu e persona herida, Polis a detene e persona herida tambe y a hibe pa warda di Polis.

Pelea na Hofi Sero Janchi a caba cu 1 herido y varios detencion

Posted by 24ora on Monday, July 6, 2020