Diasabra anochi alrededor di 9:10pm a bati alarma pa un pelea grandi den Wilhelmina Park. Den un tempo record polis di distrito di Playa, Noord y tambe e unidad motorisa a presenta pa atende cu e pelea. Na nan yegada a haya algun chabalito riba bicicleta ta core pa polis y purba di huy.
A changanan di tur skina. A core nan tras for di e estatua te cu e Seaport Casino. A logra para algun pero na final no a detene ningun, a confisca algun bicicleta si. Nan a conta cu ta e gang di Dakota a bin buscanan problema, pero nan a core bay prome cu polis a presenta. Polis a laga varios na pia. Nan bicicleta falta algun ascesorio.. Awor nan mester presenta cu nan bel y otro cosnan cu falta na nan bicicleta.