Pelea formal y agresion cu bloki na Madiki despues di laba man

Diaranson atardi mester a mobilisa diferente patruya pa Madiki pa un pelea formal, den bisindario di Club Euphoria.

Informacionnan  a drenta di un pelea formal y cu e agresor lo tabata na sitio menasando tur hende presente. Na yegada di polisnan, nan a compronde cu ta dos homber lo a bringa, caminda un di nan lo a coi un bloki y habri esaki riba cabes di e otro. Un di nan aparentemente un conoci di polis yama Dindin M.

 

Na e sitio polisnan a scucha ambos banda. Ambulance tambe a presenta, y por a mira Paramediconan controlando un di e hombernan. Despues di e control polis a bay over na detene e tal Dindin M.

E problema a cuminsa despues di entiero di un persona conoci di e bario. Durante labamento di man algo a bay robes, problema cu discusion fuerte. Polis a conseha e otro partido pa pasa warda di recherche y haci un denuncia contra Dindin M. Dindin a wordo transporta pa warda di polis.