Dialuna anochi alrededor di 8:05 pm polis a presenta na Rooi Bosal 30F p’un pelea grandi cu arma envolvi. Na yegada di polis a topa cu un homber cu kap na cabes y un otro homber basta altera.
A resulta cu nan a caba di golpia otro, un di nan tabata herida cu kap basta diep na cabes. Segun informacion ricibi na sitio, ta papia cu e caso aki ta relaciona cu e agresion di mas trempan na Macuarima. Aki ta caminda cu un homber a agredi su pareha. Tin tur indicacion cu famia di e pareha a bin regla cuenta den nan propio manera, cu bat pa esun cu faya, haya mesora.
Ta locual a pasa tambe, a rementa un bat den e abusado su cabes. A detene ambos homber pa agresion. E abusado a ricibi atencion medico mirando cu e kap tabata basta diep, mientras a transporta e otro homber pa warda di polis den un patruya. Na boei a transporta e homber cu kap na cabes pa hospital p’e ricibi atencion medico avansa na hospital.