Diadomingo anochi polis a presenta cu urgencia n’un cas den Gasparito p’un pelea grandi. Aki ta caminda cu polis di Playa y Noord a presenta pa purba domina un situacion basta tenso.
A resulta cu ta trata di un discusion di famia cu a bay completamente robes. Como seis pa shete unidad di polis a presenta pa domina e situacion.
A logra detene tres persona pa tanto intento di agresion y pa no sigui ordo di polis. Pa awo, e dos hende homber y e hende muhe lo permanece encarcela. Na warda di polis lo presenta nan dilanti un subfiscal kende lo dicidi sea riba nan encarcelacion of libertad.
