Algo pasa di 8or y 15 diadomingo anochi, ora cu banda di Paseo Herencia tabata yen di hende, a cuminsa un pelea entre dos persona den parkeerplaats di Holliday Inn. Despues e pelea a sigui banda di Paseo Herencia y aki un hoben a bay pa para e pelea.
Un di e personanan cu ta den e pelea a cuminsa bringa cu e persona cu a bin pa purba para e pelea. Mesora a yama polis y polis tabata den cercania y a detene e persona cu a agredi e hoben. E otro persona cu tambe tabata den e pelea a baha na awa. Polis a tuma datos di e hoben cu a para e pelea y a pidi presencia di Dogcatcher pa asina transporta e agresor pa warda di Shaba.
