Pelea a termina den detencion y bishita na ImSan

Diamars pa mas of menos 8:50 pm a sosode un caso di agresion n’e crusada di Bernhardstraat. Un homber a presenta na ward’i polis pa entrega denuncia di e problema cu el a haya su mes aden cu algun persona.

E hombernan a topa otro un rato despues y e problema a sigui. Polis a presenta n’e sitio pa detene un tal gordo, kende a core pa nan pero a logra gar’e. Esun cu a entrega denuncia tabata presente y un biaha mas a cuminsa un pelea entre ambos homber.

E agentenan policial a pidi refuerso pa por trankilisa e situacion. Diferente unidad a presenta, unda cu a detene un di nan mientras e otro a bay ImSan pa haya tratamento medico.