Diamars den oranan di merdia pa atardi a mira poco mucha / hoben den bisindario di un veld di bala na Dakota ta tira cu piedra y boter. A pensa cu ta un pelea lo tin entre e grupo.
Diferente di nan a dicidi di yama Polis pa cual diferente unidad a yega na e sitio casi simultaneamente. Sinembargo na e momento ey a topa cu solamente un hoben cu nan a dal gara. Pero despues di a combersa un rato cun’e, a dicidi di lague bay. Aparentemente esey tabata esun cu nan a bringa cun’e of a tire cu piedra y boter.
Mientras cu e Polisnan tabata den Dakota ainda, nan a bay cu velocidad halto for di e sitio y a yega den Pindastraat. Ey a detene tres hoben, kendenan lo ta esnan cu tabata envolvi den e supuesto pelea riba un veld di bala algun rato prome.
A transporta tur tres pa warda di polis na Playa pa mas investigacion.
