Peaton a cruza sin paga tino y alcansa pa auto

Alrededor di 11,30 di diasabra anochi ta manda Polis y Ambulance cu urgencia na rotonde di Pos Chiquito unda cu un peaton a wordo alcansa.

Polis a yega rapidamente na e sitio di e accidente cu ta un poco mas pariba di e rotonde di Pos Chiquito. Chauffeur di e auto a splica cu el a caba di baha di trabou como security na un scol na San Nicolas. El a bisa cu el a slow pa tira un bista riba e truck pa wak su tin hopi hende, pa ora cu el a bira wak riba e caminda e homber tabata crusanda su dilanti y no por a haci nada mas pa evita e accidente.
Testigonan cu tabata cerca tambe a bisa cu e peaton a gewoon subi caminda cruza dilanti e vehiculo.

Peaton a cruza sin paga tino y alcansa pa auto

Peaton a cruza sin paga tino y alcansa pa auto
https://24ora.tv/30oXXt7

Posted by 24ora on Sunday, July 7, 2019

 

Ta trata di e homber J.K.. conoci como Bewitch, kende ta biba na 100 meter mas o menos di unda e accidente a tuma luga.

 

E chauffeur a declara cu e ta biba na Sabana Basora y cu el a caba di baha di su warda. El a bisa “boso por test mi numa, mi no a bebe”.
Ambulance a transporta e herido. Inicialmente a constata cu e tin lesion na su rudia, su cabes y brasanan, y tabata keha di hopi dolo na su curpa.

E auto a keda basta destrui door di e impacto cu a pone e peaton bay halto y cay patras di e vehiculo.