Paul Croes condena na 4 aña di prizon

Despues di a dicta sentencia riba varios comerciante y hendenan yega na ex Minister Paul Croes, a tene un pausa di 20 minuut, pa despues tur hende drenta paden.

Aki ta caminda cu hues lo dicta sentencia riba ex Minister Paul Croes.

Sentencia den caso penal contra Paul Croes

Posted by 24ora on Friday, February 22, 2019

Hues a bisa den corte cu e ta mira cu tabata tin dunamento di regalo a cambio di un ontheffing. Esaki ta pone e comerciante lomba contra muraya.

E ta sinti cu tabata tin un fabrica di permiso. A pidi pa no controla den restaurant ora cu e no tey. E tabata tin relacion estrecho cu restaurant 297. Esaki ta algun punto cu hues ta repasa den e sentencia.

Pa loke ta e caso Bashaka, esta Schwengle y Filiciana, tabata manera un fabrica di permiso.

Croes ta haya vrijspraak den casonan Nuñez y Di Vecchia, pa loke ta su rol eynan.

Riba un parti di labamento di placa tambe el a wordo absolvi.

Maluso di su funcion como minister: Desde algun aña esaki ta hinca den ley na Aruba.  El a pidi pa no controla den restaurant ora e tey. El a duna instruccion pa no controla ora cu e tabata na Miami. Tambe e tabata tin relacion hopi estrecho cu doño di Restaurant 297.

Pa loke ta e caso Harmony, empleado controla eynan y e doño ta yama Minister Croes, kende ta interveni pa control no sigui

E di tres caso di mal uzo di funcion ta e señora cu a bin di Venezuela pa traha aki. El a pidi funcionario pa lague drenta siendo cu e no a bin como turista pero pa traha.

E di cuater caso ta di sr. Kelly: A pidi’e pa donacion di caha di cerbes y ora el a nenga e Minister a bisa e lo no haya tereno comercial.

Caso di Malversacion: Esaki ta 55 mil florin cu el a saca for di su fundacion, sin cu a pag’e bek.

Hues a pasa e uzo di placa cash. Tin un parti cu no por descarta cu ta ilegal, pero no tin forma pa proba esaki. Esey ta loke cu hues a uza den su consideracionnan.

E castigo ta tene cuenta cu su situacion personal y su famia. E ex minister tabata cera 80 dia y cual hues ta considera como un castigo fuerte. Fiscal a opta pa cana e caminda di beperking pa no stroba e investigacion. Hues ta tene esey tambe na consideracion.

E kier duna un señal na politico y comunidad general cu soborno no ta normal ni na Aruba ni na ningun parti di mundo.

Cuater aña di prizon pa ex minister Paul Croes, kitando e dianan cu el a sinta den KIA. Pa 9 aña largo e no por participa den eleccion, en por traha den aparato publico.