Patruya ta accidenta bayendo asistencia cu urgencia

Un patruya di Polis cu tabata bayendo un asistencia cu urgencia a hay’e envolvi den un accidente na Palm Beach. Tabata un caso di sacamento di arma caminda tabatin varios hende envolvi. E unidad cu a yega a pidi mesora pa refuerzo mirando e cantidad di hende. Pesey e unidad di Noord tambe a bay cu sirene y zwaailicht. Na caminda a bay corta un pida pa desvia di e trafico y e auto di Polis a slip den santo cu lodo y pasa dal un tronkon di kwihi. E patruya por a sigui pero e tire a kap. A pidi departamento di trafico pa bin atende cu e accidente y asina tur cos ta nota.