Patruya cu urgencia ta accidenta na Cura Cabay

Diamars anochi algo prome cu 10or a sosode un accidente na Cura Cabay. Un patruya di San Nicolas bayendo cu urgencia den direccion pabou pasando auto cu Sirene y Lus Blauw a dal. Nan tabata coriendo riba banda robes di caminda. E momento ey a bay pasa dos auto. Un di e autonan pickup Toyota tabata pa lora links pa drenta un caya.

E chauffeur ta bisa cu e no a scucha sirene y no a mira polis ta bin. Pesey net ora el a lora e patruya a pasa dale bente di dwars riba caminda. E dama Polis na stuur no por a evita e accidente. E sla tabata net den banda di pasahero. E daño ta core den algun mil florin riba ambos vehiculo. Polis di trafico a bin y tambe dos hefe responsabel pa e polisnan riba caya na San Nicolas. Importante tabata cu tur cos a keda na daño material.

Comments

comments