Pastoor Eusebio Petrona a celebra 50 aña como religioso

194

Recientemente a tuma luga celebracion di 50 aña di Pastoor Eusebio Petrona como religioso. El a comenta cu e ta sinti su mes hopi feliz di a celebra e hecho aki hunto cu su sernan keri y tambe hendenan di mas cerca.

E 50 añanan aki sigur ta uno significativo pa e religioso. E cos cu ta impacta pastoor Petrona hopi mes ta cuanto hende awe ta stabil den nan bida spiritual, creciendo den nan bida spiritual, tanto na Corsou como na Aruba door di e ministerionan cu a traha den dje desde aña 1969.

Pastoor Eusebio Petrona a celebra 50 aña como religioso

Pastoor Eusebio Petrona a celebra 50 aña como religioso. Clicl link pa mas https://24ora.news/2Oq01wD

Posted by 24ora on Thursday, November 14, 2019

Hende ta e cos di mas importante cu tin riba superficie di tera, e ta conta. Y loke bo inverti den hende nunca ta bay perdi. E por para si. E por tarda si. Pero hende ta e factor, e tereno cu ta trece cambio den mundo, ora cu Dios cambia nan curason pa medio di fe den Cristo.

E generacionnan

Pastoor Eusebio Petrona a comenta cu como mucha, su mama a uza un palabra. E ta bisa “cada cochino tiene su sabado.” Ora cu e mira e desaroyonan negativo di nos tempo, e ta haci pastoor Petrona hopi tristo. Pero no tin manera cu un persona manera pastoor Petrona so, of henter un iglesia mes, por trece e cambio ey drasticamente.

Pero e hecho cu un persona ta bisa “cu mi no ta kere den Dios”, of “ta den coy loco boso ta kere”, no kiermen cu e persona ey ta imposibilita. Na e momento aki, e por duna e impresion cu e ta tough, e ta fuerte den e cos cu e ta pensa. Pero pasobra e ta hungo cu su amigonan. Ora cu e ta su so, e ta completamente otro. Pastoor Petrona no ta rindi riba hende, den ki condicion cu nan ta. Tur hende ta un posibilidad.