Pashentnan ta prefera Stemwell Bogota pa nan logistica y servicio ambulatorio

Den e ultimo dianan aki nos a tende di Clinica Stemwell Bogota, cu ta haci medicina regenerativa. Dr. Carlos Guerrero a haci un presentacion na MFA Paradera, caminda cu tabata tin algun pashent cu a bin duna nan testimonio kico ta e beneficionan di haci un procedura di stemcell.

Pero kico e clinica mes ta encera, con e ta hinca den otro? Dr. Carlos Guerrero a splica di e tipo di servicio cu nan ta duna y na ken.

E clinica ta un clinica priva. Nan ta atende algun seguro Colombiano, pero nan ta netamente seguronan priva. Nan no ta atende siguridad social na Colombia. E ta un practica completamente priva. Nan ta atende ortopedia, e maneho di dolor convencional, nan ta haci tur practica di artroscopia, cirugia di fractura, tratamento di desgaste y tambe nan tin un variacion di tratamento cu terapia, manera terapia cu onda di shock, cu laser, cu radiofrecuencia y fisioterapeutanan specialisa cu ta duna e clinica nan sosten.

Di otro banda nan tin nan cambernan di operacion, unda cu nan ta haci tur nan proceso di medicina regenerativa y di stemcell y tambe tin espacio pa haci cirugia plastico.

Den caso di servicio di cirugia plastico, ta wordo atendi pa ciruganonan specialisa, miembronan di sociedad di cirugia plastico, y nan ta trece nan pashentnan cu nan tin den nan oficina.

Stemwell ta presta nan salanan di cirugia, cual ta hopi bon hinca den otro, e specialistanan ta prefera pa bin aki y di e manera aki ta haci e parti di cirugia plastica.

Tin varios pashent ta bin di afo y mirando cu nan tin e logistica hopi bon hinca den otro, e ora nan ta prefera nan servicionan.

Dr. Guerrero ta splica cu e tratamento di Stemwell ta uno ambulatorio y no ta laga ningun pashent hospitalisa. Esey ta yama e segundo nivel di complehidad, cu no tin mester di cuido intensivo, di soporte pa por haci e procedimento. Ta haci tur cirugia di ortopedia y tambe di cirugia plastico ambulatorio.

Stemcell

Dr. Guerrero ta splica cu e tratamento no ta solamente cu stemcell, sino ta uza  tambe e parti cu nan ta haci e detox, esta desintoxicacion y desinflamacion, y e pashent ta cuminsa sinti bon hasta prome cu cuminsa cu e tratamento of transferencia di stemcell. Ta cuminsa cu e IV, cu terapia y fisioterapia, y e pashent ya ta cuminsa sinti un mehoracion. Naturalmente ora cu haci e transferencia di stemcell den e sala di cirugia, e mehoracion ta cuminsa nota casi desde e dia siguiente. E ta un proceso unda cu e celnan ta keda traha pa casi 6 luna. Ta bay mira un mehoracion semper progresivo. Ya despues di dos luna e pashent ta sinti su mes hopi bon. Despues ta menos e incremento di e mehoracion pero ta logra nivelnan hopi importante cu e procedimento.

Dolor

Dolornan basicamente ta pa problemanan degenerativo, door di desgaste. Mas loke nan ta traha riba dje ta artrosis ta door di desgaste na nivel di e articulacionnan y esaki tin hopi causa. E prome ta cu e por ta algo cu ta bini despues di un lesion. Pashentnan deportista cu ta desgasta nan articulacionnan, pashentnan cu sobrepeso. Tambe e ta bi den pashentnan kendenan a yega di haya un enfermedad di colegeno manera artritis of nan tabata victima di algun tipo di patologia cu ta ataca e articulacionnan. Tin pashentnan cu accidentenan deportivo y asina por sigui menciona. Tur esaki ta loke cu Stemwell ta maneha, dolornan di cualkier tipo di origen.

E idea

E tecnicanan di e medicina regenerativa y stemwell ta bin for di hopi tempo. For di 1940 mas of menos, unda cu a cuminsa haci investigacionnan riba medicina regenerativa. Prome cos cu a trata cu practica di medula osea, ta cancer tipo leucemia. Stemwell no ta trata esaki. Ta otro modalidad cu otro specialistanan ta trata.

Loke a bin ta observa ta con animalnan ta regenera, manera reptil. Nan ta amputa un extremidad y nan ta crece nan so. Esey ta medicina regenerativa. E streanan di lama ta perde un brasa, nan ta regenera perfectamente. For di e hipotesisnan eynan ta cuminsa haci e estudio di medicina regenerativa y a cuminsa mira con e cartilago, weso, e tendonnan ta responde miho na e tipo di transplante aki. Ta for di eynan tur cos ta cuminsa.

Un espacio

Habitualmente Stemwell tin e infrastructura pa ricibi e pashentnan cu ta necesario. Si un pashent tin cu bin otro siman, si tin cinco of seis pashent, e ora ta adapta. Nan tin e capacidad pa haci esaki. Como tal nan no tin un lista di espera largo. Loke nan kier ta pa e pashent uza su tempo na un manera adecua, si e tin e posibilidad pa bin den un siman, ta bon pa e clinica. Si e bin den dos luna, ta bon pa nan tambe. Nan ta adapta y nan tey pa sirbi e pashentnan.

Con pa tuma contacto

Dr. Guerrero a splica cu nan tin varios celular caminda cu nan tin WhatsApp. E numbernan di emergencia lo ta +57 350-783-6166. Esey ta un WhatsApp na Colombia. Tin un number tambe cual ta di Corsou cu ta +599 966-9927. Cualkier di e numbernan aki ta disponibel 24 ora pa atende cualkier problema cu un pashent por tin y alabes ta haci e video conferencianan tambe.