Natasha Solognier ta un pashent preocupa, pasobra pa algun dia caba e ta bishitando SEH pa ricibi atencion medico, pero sin resultado. Cada biaha cu e presenta na eerste hulp, nan ta mand’e cas bek pero e tin tres dia malo caba.
E ta haya diferente sintoma, wowo ta bira scur, cabes ta draai y no por drumi. Pa tres dia caba e ta bishita hospital, a haci un CT scan cu ne pero no ta mira nada for di normal. Specialistanan di hospital a conseh’e p’e bay su dokter di cas dialuna p’asina nan dun’e e atencion cu e ta buscando mirando cu no ta consider’e un caso di emergencia.
Solognier den pasado tabatin algun complicacion caba, e ta sinti cu nan tin cu intern’e den hospital p’asina un neurologo atende cu ne mesora. Sinembargo tin un proceso cu tin cu tuma luga prome cu e yega na remarc’e pa mira un neurologo. E pashent ta sinti cu no ta manera pa trata un persona cu ta busca pa haya cuido medico. E ta sinti cu mester reorganisa henter e sistema di salubridad publico aki na Aruba. Dialuna e lo bishita su dokter di cas pa wak con por sigui atende cu su caso.
