Pashent a keha su mes pa posesion di 5 mata di Marihuana

711

Pashent Rene Barendse tin mester di marihuana medicinal. Pero e mes no mag di planta. Awo e kier obliga husticia pa un caso den corte, “pasobra tin un buraco den e maneho di tolerancia (gedoogbeleid)”. El a dicidi pa keha su mes na Polis pa por cuminsa un caso penal contra dje, buscando pa Hues “toets” e ley actual na Hulanda, relaciona cu tolerancia pa uzo di cannabis medicinal.

Tipo di casonan asina no ta sosode cu frecuencia, ora cu un persona, riba su propio peticion, ta pidi pa persigui’e, mucho menos pa un delito di droga. Pero Rene Barendse (43) for di Naaldwijk, aña pasa a haci un denuncia cu bon rason, door di a planta cinco mata di marihuana den su cura. Pashentnan di dolor finalmente kier un claridad riba e remedi cu ta yuda alivia e dolornan: Azeta di cannabis.

Su caso penal ta e consecuencia di un buraco den e gedoogbeleid, Barendse a bisa den su hofi, unda cu e ta planta matanan di cannabis, entre su tomati y comcombernan den un “greenhouse”. Contrario di loke hopi hende ta pensa, no ta permiti pa tin cinco mata di marihuana den bo cura di cas na Hulanda! Husticia ta tuma esaki hopi liviano pa persigui e doño, pero ta confisca e matanan y ta distrui nan.

Esaki tabata e experiencia di Barendse zomer ultimo, pero e no lo laga esaki bay. “Tan pronto cu bandona e cas, ey bo ta keda para. Ta straño cu husticia ta invadi aki, bay cu mi matanan y despues para e caso. Mi kier pa hues haci un declaracion riba mi posesion di cinco mata di cannabis pa mi propio uzo medico.”

Necesidad

Gobierno di Hulanda kier laga experimenta cu algun municipio piloto cu plantacion regular di hennep, pero plantamento di matanan medicinal na cas, ainda no ta posibel. Solamente na Tilbert “thuisteelt” ta posibel bao di algun condicion. Pero awo e compania Bedrocan ta e unico compania na Hulanda cu mag di cultiva hennep legalmente pa propositonan medicinal. Bao di supervision di Ministerio di Salubridad Publico, e compania di Veendam ta entrega na boticanan, unda cu pashentnan por haya nan “mediweed” cu un recept di dokter.

Permiti of no, pa Barendse plantamento na cas ta necesario. Ya pa 16 aña e ex ingeniero civil ta sufri di dolornan di nervio y tin biaha e ta asina formal cu cada rato e ta grita di dolor. “Dado momento mi no por a mira pa mi mes y mi a bay biba pa un tempo cerca mi mayornan.” Un dokter alternativo a trat’e, pero e dolornan a keda.

Ta cinco aña pasa, e azeta di cannabis a dune e alivio di e dolornan cu tanto el a pidi pe.