Diasabra mainta tempran, polis a bay tras di oficina di dr. Boderie den Vermeerstraat pa un homber pata pata burachi, cu no tabata tin letter den su curpa. A bin resulta cu ta trata di doño di un bar conoci na San Nicolas, cu no a midi su bebida manera mester ta y tabata practicamente lastra riba caminda. Asina mes e kier a subi su auto pa bay, pero dos dama tabata tin’e wanta mirando e condicion cu e tabata aden.
Polis e ora a dicidi di yama transportwagen pa asina hiba e cabayero warda na San Nicolas, pa e por sosega su curpa prome cu e bay su cas. E tabata asina bebi cu polis mester a literalmente carg’e y hink’e den e auto pa por a hib’e warda.
Despues di a presenta dilanti di fiscal auxiliar, e por a bay sosega su curpa pa asina e por bin bij.
