Mas cu un biaha polis mester a atende accidente cu a sosode riba Green Corridor diabierna. Atardi tabatin un accidente mientras cu prome cu dia a cambia a sosode otro mas riba e caminda grandi aki.
Diabierna den careda di 11:40pm un accidente a tuma luga riba e caminda di Green Corridor direccion pa Playa.
Segun por a comprende na e sitio, e chauffeur di e Toyota Yaris a bay pasa un auto na su banda links. El a haci esaki na momento cu e otro autonan cu tabata na su banda drechi a bay pasa tambe na banda robes y a cera e chauffeur riba e caminda cu consecuencia cu a perde control y dal na e blocknan banda di caminda.
E daño material na e auto tabata basta grandi y no por a corre. Polis di trafico tambe a presenta na sitio pa tuma datos di e sucedido.
